ქ. თბილისში, თავისუფლების მოედანი #4-ში მდებარე, კულტურული მემკვიდრეობის უძრავი ძეგლის სტატუსის მქონე შენობა

ეს ისტორიული შენობა აგებულია 1825 წელს. თავდაპირველად შენობაში განთავსებული იყო ქალაქის თვითმმართველობის ორგანოები და მას “საქალაქო სახლი” ერქვა. მოგვიანებით აქ კავკასიის არმიის საოლქო შტაბი განთავსდა, საბჭოთა პერიოდში კი განთავსებული იყო სამხედრო პროკურატურა. 1972 წლიდან შენობაში ფუნქციონირებდა სახელმწიფო საპროექტო ინსტიტუტი „საქშახტპროექტი“. 1991-1992 წლების მიჯნაზე ე. წ. “თბილისი ომის” დროს ეს ისტორიული შენობა მთელ კვარტალთან ერთად მთლიანად განადგურდა. 1992 წლიდან, კერძო ინვესტორების მიერ შენობის აღდგენის შემდეგ, იგი მოექცა სასტუმრო “ქორთიარდ მარიოტსა” და მრავალფუნქციურ სავაჭრო ცენტრ “გალერია თბილისს“ შორის. შენობა ბიზნეს ცენტრის ტიპისაა და ბინათმესაკუთრეების მიერ, ძირითადად საოფისე ფართების იჯარით გაქირავებისათვის გამოიყენება.